Námskeiðið er eins dags námskeið og tekur fyrir nokkur efni til þess að búa til einföld en skemmtileg verkefni með skynjurum, rofum, ljósum og mótorum.

Farið verður yfir grunnhugtök í gerð rafrása: spennu, straum og viðnám, auk hliðtengingar og raðtengingar íhluta. Einnig verður farið yfir notkun fjölmælis til að mæla spennu, straum og viðnám.

Með þessi verkfæri í kistunni verður ráðist á fyrstu verkefnin. Það fyrsta er einfalt: ljóstvistar eru tengdir við rafhlöður og stýrt með hnöppum. Svo er íhlutunum skipt út í litlum skrefum fyrir annars kyns rofa og skynjara þar til rafrásin stýrir aflhungruðu tæki eins og jafnstraumsmótor með smára.

Í síðari hlutanum er farið í gegnum þrjár gerðir algengra mótora, nema sem krefjast stýringar eða aflesturs á tölvu, og tölvur sem geta lesið af skynjurum og stýrt mótorunum. Mótorarnir sem unnið verður með eru jafnstraumsmótorar, servo-mótorar og stepper-mótorar.

Þátttakendur velja hvort þeir forrita með MakeCode ritlinum á micro:bit, Python á Raspberry Pi eða C/C++ á Arduino.

Þátttakendur þurfa að koma með eigin tölvur til að vinna á og til að finna efni á netinu. Þau sem eiga smátölvur eða íhluti eru hvött til að koma með það, en annars úthlutar Vísindasmiðjan kennslugögnum.